ອາເມລິກາປູກຖ່າຍໃບໜ້າ ແລະ ມື ສຳເລັດຄັ້ງທຳອິດຂອງໂລກ

ທ້າວ ​ໂຈ ດິມີ​ໂອ ອາຍຸ 22 ປີ ທີ່​ໄດ້​ຊີວິດ​ໃໝ່​ອີກ ​ເມື່ອ​ໃບ​ໜ້າ ​ແລະ ມື​ຂອງ​ລາວ​ສາມາດ​ຮັບ​ຮູ້​ສຳຜັດ​ຕ່າງໆ​ໄດ້ ບໍ່​ວ່າ​ຈະ​ເປັນຄວາມ​ຮ້ອນ, ຄວາມ​ເຢັນ, ຄວາມ​ປຽກ ຫລື ສຳຜັດ​ຈາກ​ຄົນ​ອື່ນໆຕໍ່​ໃບ​ໜ້າ ​ແລະ ມື​ໃໝ່ ​ເຊິ່ງຫາ​ກໍ​ໄດ້​ມາ​ບໍ່​ຮອດ 6 ​ເດືອນ ຫລັງ​ຈາກ​ລາວ​ຜ່ານ​ການຜ່າຕັດ​ປູກ​ຖ່າຍ​ໃບ​ໜ້າ ​ແລະ ມື ​ເພາະ​ອຸປະຕິ​ເຫດ​ເຮັດ​ໃຫ້​ລາວ​ຕ້ອງ​ສູນ​ເສຍ​ນິ້ວມື ​ແລະ ​ໃບ​ໜ້າ.

ເມື່ອ​ເກືອບ 3 ປີ​ກ່ອນ, ທ້າວ ດິມີ​ໂອ ​ເກີດ​ອຸປະຕິ​ເຫດ​ລົດ​ຕຳ​ຮຸນ​ແຮງ​ຈົນ​ເກີດ​ລະ​ເບີດ​ ​ເຮັດ​ໃຫ້​ລາວ​ຖືກ​ໄຟ​ໄໝ້ຮ່າງກາຍ​ຫລາຍ​ກວ່າ 80% ​ເຊິ່ງຖື​ວ່າ​ຮຸນ​ແຮງ, ​ແຕ່​ໂຊກ​ດີ​ທີ່​ລາວລອດ​ຊີວິດ​ມາ​ໄດ້, ລາວ​ໄດ້​ຮັບ​ການຜ່າຕັດ​ມາ​ປະມານ 20 ຄັ້ງ, ​ແຕ່​ມື ​ແລະ ​ໃບ​ໜ້າ​ຍັງ​ໃຊ້​ງານ​ບໍ່​ໄດ້​ຄື​ເກົ່າ.

ລາວ​​ໂຊກ​ດີ​ອີກ​ເທື່ອ​ໜຶ່ງ ​ໂດຍ​​ໃນ​ເດືອນ​ມີນາ 2019 ລາວ​ຖືກ​ສົ່ງ​ໄປ​ຫາ​ສັນລະຍະ​ແພດ​ຝີ​ມື​ດີ ຂອງ​ສະ​ຖາ​ບັນ​ການ​ແພດ ​ເອັນ​ວາຍ​ຢູ ​ແລງ​ກອນ ​ເຮ​ລ ​ໃນ​ນິວຢອກ ​ແລະ ຍັງ​ໄດ້​ອະ​ໄວ​ຍະ​ວະ​ຈາກ​ຜູ້​ບໍລິຈາກ.

ຕໍ່​ມ​າ​ເມື່ອ​ວັນ​ທີ 12 ສິງຫາປີຜ່ານມາ ທີ​ມງານ​ຫລາຍ​ກວ່າ 140 ຄົນ ທັງ​ສັນລະຍະ​ແພດ, ພະຍາບານ ​ແລະ ​ເຈົ້າໜ້າ​ທີ່​ອື່ນໆ ​ໄດ້​ຮ່ວມ​ກັນ​ຜ່າຕັດ​ປູກ​ຖ່າຍ​ໃບ​ໜ້າ ​ແລະ ມື​ທັງ​ສອງ​ໃຫ້​ລາວ​ສຳ​ເລັດ ​ໂດຍ​ໃຊ້​ເວລາ​ຜ່າຕັດ 23 ຊົ່ວ​ໂມງ.

ຕອນ​ນີ້ ທ້າວ ດິມີ​ໂອ ຍັງ​ຕ້ອງ​ພັກ​ຟື້ນ ​ແລະ ທຳ​ກາ​ຍະ​ພາບ​ບຳບັດ​ມື້ລະ​ປະມານ 5 ຊົ່ວ​ໂມງ ​ເຊິ່ງ​ແພດ​ບອກ​ວ່າ: ຄົນ​ເຈັບ​ຟື້ນຕົວ​ໄດ້​​ໄວ.

About admin

Check Also

ດວງ 3 ວັນເກີດ ມີເກນໝົດໜີ້ສິນ ມີກິນມີໃຊ້ ຮັບໂຊກຕະຫຼອດທັງປີ

+ ຄົນທີ່ເກີດວັນສຸກ ມີເກນໝົດໜີ້ສິນ ມີເກັບ ມີກິນ ມີໃຊ້ ຮັບໂຊກຕະຫຼອດທັງປີນີ້ ແຕ່ເດືອນນີ້ເປັນຕົ້ນໄປ ຈະມີຂ່າວດີເຂົ້າມາ ການງານລາບລື່ນ ຈະເລີນກ້າວໜ້າ ເຈົ້ານາຍໃຫ້ການສະໜັບສະໜູນ ຊ່ວຍເຫຼືອ ໝູ່ຄູ່ຄົນຮ່ວມວຽກ ຊ່ອຍເຫຼືອກັນ …

Leave a Reply

Your email address will not be published. Required fields are marked *