ອາເມລິກາຮັບມືໂຄວິດ ແບບບຸກ ສັກວັກຊີນໃຫ້ປະຊາຊົນ ຫລາຍກວ່າຜູ້ທີ່ຕິດເຊື້ອສະສົມ
ວັນທີ 2 ກຸມພາ 2021, ອາເມລິກາເປີດເຜີຍຜົນສຳເລັດບາດກ້າວສຳຄັນຂອງການຮັບມືວິກິດໂຄວິດ-19 ແບບບຸກ ຫລັງສັກວັກຊີນຕ້ານໂຄວິດ-19 ໃຫ້ພົນລະເມືອງແລ້ວຫລາຍກວ່າຈຳນວນພົນລະເມືອງທີ່ຕິດເຊື້ອສະສົມທົ່ວປະເທດແລ້ວ ຫລັງການແຜ່ລະບາດຜ່ານມາກວ່າ 1ປີ 1 ເດືອນ.ຈາກລາຍງານການຕິດຕາມສະຖານະການການສັກວັກຊີນ
ຂອງ Bloomberg Vaccine Tracker ລະບຸວ່າ: ມີພົນລະເມືອງອາເມລິກາ 26,5 ລ້ານກວ່າຄົນໄດ້ຮັບວັກຊີນຕ້ານໂຄວິດ-19 ແລ້ວຢ່າງໜ້ອຍ 1 ໂດສ ເຊິ່ງຫລາຍ
ກວ່າຈຳນວນຜູ້ຕິດເຊື້ອໂຄວິດ-19 ສະສົມທົ່ວອາເມລິກາ ທັງຍັງເປັນປະເທດທີ່ສັກວັກຊີນໃຫ້ພົນລະເມືອງຫລາຍທີ່ສຸດໃນປັດຈຸບັນ (ໃນທາງປະລິມານ) 32 ລ້ານກວ່າໂດສ,
ຮອງລົງມາແມ່ນຈີນ 24 ລ້ານໂດສ ແລະ ອັງກິດ 9,79 ລ້ານໂດສ.ທົ່ວໂລກມີຜູ້ຕິດເຊື້ອໂຄວິດ-19 ສະສົມແລ້ວຫລາຍກວ່າ 103 ລ້ານຄົນ (103.378.964 ຄົນ), ປິ່ນປົວເຊົາແລ້ວ 75.727.702 ຄົນ ຫລື ປະມານ 73% ຂອງຜູ້ຕິດເຊື້ອທັງໝົດ, ເສຍຊີວິດແລ້ວ 2.236.559 ຄົນ ອັດຕາການເສຍຊີວິດປະມານ 2,1%.
