Breaking News

ສັບພະຄຸນ ຂອງຕົ້ນແຄປ່າດອກຂາວ

ຕົ້ນແຄປ່າດອກຂາວ ຈັດເປັນໄມ້ຢືນຕົ້ນຂະໜາດນ້ອຍ, ມີຄວາມສູງປະມານ 10-20 ມ, ລໍາຕົ້ນຕັ້ງຊື່, ເປືອກຂອງລໍາຕົ້ນເປັນສີນໍ້າຕານອ່ອນອົມເທົາ ແລະ ອາດຈະມີຈຸດສີດໍາຢູ່ນໍາ.

ດອກຍາວ 2-3 ຊມ, ສ່ວນກ້ານດອກຍາວ 1.8-4 ຊມ, ແຕ່ລະຊໍ່ດອກຈະມີດອກ 2-10 ດອກ. ໝາກເປັນຝັກ, ອອກຝັກຊໍ່ລະປະມານ 3-4 ຝັກ, ລັກສະນະຂອງຝັກເປັນຮູບຂອບຂະໜານ, ຝັກໂຄງ ແລະ ບິດເປັນກຽວ, ຍາວ 40-60 ຊມ, ສ່ວນແກ່ນເປັນຮູບສີ່ຫຼ່ຽມ.

ປະໂຫຍດ:

– ດອກແຄປ່າດອກຂາວສາມາດນໍາມາປະກອບອາຫານໄດ້ ໂດຍການນໍາມາເຮັດແກງສົ້ມ ຫຼື ນໍາມາລວກກັບແຈ່ວ.

– ຕົ້ນແຄປ່າດອກຂາວເປັນຕົ້ນໄມ້ພຸ່ມ ເໝາະສໍາຫຼັບການປູກເປັນໄມ້ສໍາລັບຮົ່ມເງົາ ແລະ ເປັນໄມ້ປະດັບ.

– ໃຊ້ເປັນອາຫານສັດໄດ້ (ແຕ່ຂໍ້ມູນບໍ່ລະບຸລະອຽດວ່າໃຊ້ສ່ວນໃດຂອງຕົ້ນ ແຕ່ຄາດວ່າຈະເປັນດອກ).

– ເນື້ອໄມ້ຂອງຕົ້ນແຄປ່າດອກຂາວສາມາດນໍາໄປເຮັດສິ່ງກໍ່ສ້າງອາຄານບ້ານເຮືອນໄດ້ເຊັ່ນ: ເຮັດເປັນເສົາ, ເພດານ…

ສັບພະຄຸນ:

– ຮາກມີຣົດເຢັນຊ່ວຍບໍາລຸງເລືຶອດ.

– ແກ່ນໃຊ້ເປັນຢາແກ້ອາການເຈັບປະສາດ.

– ດອກຊ່ວຍໃນການນອນຫຼັບ.

– ເປືອກຕົ້ນຊ່ວຍແກ້ອາການທ້ອງອືດ, ແໜ້ນທ້ອງ ໂດຍໃຊ້ກັບແມ່ຍິງຫຼັງເກີດລູກ.

– ໃບນໍາມາຕົ້ມກັບນໍ້າເປັນຢາບ້ວນປາກໄດ້.

ທີ່ມາ: phakhaolao

About admin

Check Also

ສູດລັບ ການອອມເງິນຂອງຊາວຍີ່ປຸ່ນ ສືບທອດກັນມາ 117 ປີ

ຖ້າເວົ້າເລື່ອງການອອມເງິນແລ້ວ ນອກຈາກເຢຍລະມັນ ແລະຈີນແລ້ວ ຜູ້ຄົນໃນປະເທດຍີ່ປຸ່ນ ກໍມີວິທີການອອມເງິນທີ່ໜ້າສົນໃຈເຊັ່ນດຽວກັນ..ສູດການອອມເງິນນີ້ ສືບທອດກັນມາແລ້ວ ກວ່າ 117 ປີ ເຄັດລັບທີ່ວ່ານີ້ ກໍຄື คือ “Kakeibo” (ຄະເຄໂບະ) ມີຄວາມໝາຍວ່າ …

Leave a Reply

Your email address will not be published. Required fields are marked *