Breaking News

ຜູ້ສະໝັກເລືອກຕັ້ງ ສສຊ ເຂດເລືອກຕັ້ງ 14 ແຂວງສາລະວັນ ລົງໂຄສະນາຫາສຽງ ຢູ່ເມືອງສະໝ້ວຍ

ວັນທີ 9 ກຸມພາ 2021 ຜູ້ສະໝັກເລືອກຕັ້ງ ສະມາຊິກສະພາແຫ່ງຊາດ(ສສຊ) ຊຸດທີ IX ປະຈໍາເຂດເລືອກຕັ້ງທີ 14 ແຂວງສາລະວັນ ຈໍານວນ 12 ທ່ານ (ຍິງ2 ທ່ານ) ໄດ້ເຄື່ອນໄຫວ ໂຄສະນາຫາສຽງ 2 ຈຸດຢູ່ເມືອງສະໝ້ວຍຄື: ຈຸດທີ1ແມ່ນຢູ່ຈຸດບ້ານລະຕົວະ ແລະ ຈຸດທີ2 ແມ່ນຈຸດເທດສະບານ.ນຳໂດຍຫົວໜ້າຄະນະໂດຍທ່ານ ສີເຮັ່ງ ຫອມ

ສົມບັດ ຮອງເລຂາພັກແຂວງ ທັງເປັນຜູ້ສະໝັກເລືອກຕັ້ງ ສະມາຊິກສະພາແຫ່ງຊາດ ຊຸດທີ IX ປະຈໍາເຂດເລືອກຕັ້ງທີ 14 ແຂວງສາລະວັນ ເຊິ່ງເປັນຜູ້ສະໝັກນໍ້າເບີ 01 ພ້ອມຄະນະ, ໂດຍພາຍໃຕ້ການຕ້ອນຮັບຂອງທ່ານ ຈັນສະໜອນ ພົມມະແສງ ຫົວໜ້າໂຄສະນາອົບຮົມແຂວງ, ຮອງຫົວໜ້າອະນຸກຳມະການໂຄສະນາປຸກລະດົມຂະບວນການ,

ທ່ານ ບຸນເຕີ້ຍ ດວງສຸລິຍະວົງສາ ກໍາມະການພັກແຂວງ ເລຂາພັກເມືອງ, ເຈົ້າເມືອງໆສະໝ້ວຍ ພ້ອມດ້ວຍການນໍາຂອງເມືອງ ແລະ ປະຊາຊົນຕ້ອນຮັບຢ່າງອົບອຸ່ນ. ການໂຄສະນາຫາສຽງຄັ້ງນີ້ ຜູ້ສະໜັກ ສສຊ ຄັ້ງທີ IX ໄດ້ໃຫ້ສະເໜີຊື່ ແລະປະຫວັດການເຄື່ອນໄຫວຂອງຕົນເອງ ພ້ອມທັງສະເໜີຈຸດປະສົງໃນການລົງໂຄສະນາຫາສຽງ.

ການສະເໜີຊື່ ແລະ ປະຫັວດການເຄື່ອນໄຫວ ຂອງຜູ້ສະໝັກເລືອກຕັ້ງ ສສຊ ເຊິ່ງໄດ້ເລີ່ມຈາກຜູ້ສະໝັກນໍ້າເບີ1 ຫານໍ້າເບີ 12 ຕາມລໍາດັບ. ຈາກນັ້ນຜູ້ສະໜັກຮັບເລືອກຕັ້ງ

ສະມາຊິກສະພາແຫ່ງຊາດ ຍັງໄດ້ຮຽກຮ້ອງໃຫ້ຜູ້ມີສິດເລືອກຕັ້ງ ກໍຄືປະຊາຊົນລາວບັນດາເຜົ່າ ຈົ່ງໄດ້ຮ່ວມຈິດຮ່ວມໃຈເຂົ້າຮ່ວມຂະບວນການເລືອກຕັ້ງໃນຄັງນີ້ ໃຫ້ກາຍເປັນປາງ

ບຸນໃຫຍ່ຂອງຊາດ, ເລືອກໄດ້ຜູ້ສະໝັກທີ່ມີມາດຖານເງື່ອນໄຂ, ມີຄວາມຮູ້ຄວາມສາມາດ, ມີວິໄສທັດທີ່ກວ້າງໄກ ເພື່ອມາເປັນຕົວແທນໃຫ້ປະຊາຊົນແລະ ນໍາພາປະຊາຊົນ

ຫລຸດພົ້ນອອກຈາກຄວາມທຸກຍາກໄດ້ເທື່ອລະກ້າວ.ພາຍຫຼັງສໍາເລັດການເຄື່ອນໄຫວຢູ່ເມືອງສະໝ້ວຍແລ້ວ ຜູ້ສະໝັກຮັບເລືອກຕັ້ງ ກໍຈະໄດ້ສືບຕໍ່ເຄື່ອນໄຫວໂຄສະນາຫາສຽງຢູ່

ເມືອງຕະໂອ້ຍຕື່ມອີກ.ທົ່ວເມືອງສະໝ້ວຍມີ 51 ບ້ານ, ມີ 24 ໜ່ວຍເລືອກຕັ້ງ ມີປະຊາກອນທັງໝົດ 18 ພັນກວ່າຄົນ, ຍິງ 9 ພັນກວ່າຄົນ, ໃນນັ້ນຜູ້ມີສິດປ່ອນບັດເລືອກຕັ້ງ 9 ພັນກວ່າຄົນ, ຍິງ 4 ພັນກວ່າຄົນ, ສະເພາະຢູ່ຈຸດບ້ານລະຕົວະມີ 21 ບ້ານ, ມີ 3 ຈຸດສຸມ

ພາບ-ຂ່າວ: ສິດຕາ ເພັດວົງສາ

About admin

Check Also

ແຊ໌ເຕືອນໄພສັງຄົມ ນັບມື້ນັບປ່າເຖື່ອນ ຢູ່ຍາກອີ່ຫລີ🥹ຢາກໃຫ້ທຸກຄົນມີສະຕິລະວັງຕົວກັນໃຫ້ຫຼາຍກວ່ານີ້

📣 ເຕືອນໄພສັງຄົມ ນັບມື້ນັບປ່າເຖື່ອນ ຢູ່ຍາກອີ່ຫລີ🥹ຢາກໃຫ້ທຸກຄົນມີສະຕິລະວັງຕົວກັນໃຫ້ຫຼາຍກວ່ານີ້ ຂ້ອຍກະສຸດທີ່ແຕ່ຈະລະວັງແລ້ວ ເພາະເປັນຊ່ວງທີ່ຈະຮັບໃບປະກາດຄິດຢ້ານກັບເຫດການຫຼາຍໆຢ່າງ ຍັງມີເລື່ອງແບບນີ້ເກີດຂື້ນກັບໂຕເອງ . ຈັ່ງແມ່ນມຶງກ້າຄົນຫຼວງຄົນຫຼາຍຍັງບໍ່ຄິດຢ້ານ ສະຖານທີ່ແບບນີ້ຍັງບໍ່ເວັ້ນ ທີ່ເຫັນໃນວີດີໂອແມ່ນຂ້ອຍໄດ້ໄປຊື້ເຄື່ອງໃນຮ້ານມາແລ້ວກຳລັງຊິບໍລິຈາກຊ່ວຍເຫຼືອໄພນ້ຳຖ້ວມ ແຕ່ບຸກຄົນນີ້ໄດ້ພະຍາຍາມເຂົ້າມາລວນລາມຂ້ອຍຈາກທາງຫລັງໂດຍທີ່ບໍ່ທັນຕັ້ງໂຕ 😤 ຄລິບ ດີແຕ່ມັນບໍ່ໄດ້ຖືຂອງມີຄົມມາ …

Leave a Reply

Your email address will not be published.