ຂ່າວດ່ວນ!. ໄຟຟ້າລາວ ເປີດນໍາໃຊ້ຕູ້ຮັບຄໍາຄິດເຫັນຈາກສັງຄົມ

ເພື່ອເປັນການຮັບເອົາຄໍາຄິດຄໍາເຫັນຕ່າງໆຈາກສັງຄົມບໍ່ວ່າຈະເປັນທາງກົງ ແລະ ທາງອ້ອມ, ເພື່ອເກັບກໍາໄດ້ ແລະ ນໍາໄປສູ່ການກວດກາ ແກ້ໄຂໃຫ້ທ່ວງທັນກັບ ສະພາບການ ແລະ ຖືກຈຸດ ພ້ອມທັງຫລີກລ່ຽງ ການຮ້ອງຟ້ອງໂຈມຕີ ທັບຖົມຢ່າງບໍ່ມີຫຼັກຖານ ແລະ ບໍ່ມີມູນຄວາມຈິງ.

ໃນວັນທີ 22 ມີນາ 2021 ໄດ້ເປີດພິທີນໍາໃຊ້ຕູ້ຮັບຄໍາຄິດເຫັນຈາກສັງຄົມ ຕໍ່ກັບການປະຕິບັດວຽກງານຂອງ ລັດວິສາຫະກິດໄຟຟ້າລາວ ທີ່ສູນເກັບເງິນຄ່າກະແສໄຟຟ້າ ໂສກປ່າຫຼວງ ນະຄອນຫຼວງວຽງຈັນ , ໂດຍການເປັນປະທານເປີດນໍາໃຊ້ໂດຍ:

ທ່ານ ຄູນ ບົວແພງພັນ ຮອງຜູ້ອໍານວຍການໃຫຍ່ ລັດວິສາຫະກິດໄຟຟ້າລາວ, ທ່ານ ທອງຂັນ ພິມວິໄລ ຫົວໜ້າກົມຈັດຕັ້ງ ກະຊວງພະລັງງານ ແລະ ບໍ່ແຮ່, ທ່ານ ຄໍາຫຼ້າ ວິຈິດວົງສາ ຫົວໜ້າກົມກວດກາ ກະຊວງພະລັງງານ ແລະ ບໍ່ແຮ່ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.

ເຊີ່ງຕູ້ຮັບຄໍາຄິດເຫັນຈາກສັງຄົມຕໍ່ກັບການປະຕິບັດວຽກຂອງ ລັດວິສາຫະກິດໄຟຟ້າລາວ. ໄລຍະທີ່ 1 ໄດ້ຕັ້ງຢູ່ 8 ຈຸດ ໃນຂອບເຂດສໍານັກງານໃນນະຄອນຫຼວງວຽງຈັນ, ເຊີ່ງເລີ່ມຈາກສໍານັກງານໃຫຍ່ເປັນຈຸດທໍາອິດ ແລະ ຈະສືບຕໍ່ໃນບັນດາສາຂາໃນຂອບເຂດທົ່ວປະເທດ ໃນໄລຍະທີ່ສອງ.

ສໍາລັບປະຊາຊົນຜູ້ຊົມໃຊ້ໄຟຟ້າທີ່ມີຂໍ້ຂ້ອງໃຈ ຫຼື ມີຄໍາຖາມ ຫຼື ຢາກໃຫ້ລັດວິສາຫະກິດໄຟຟ້າລາວຊ່ວຍແກ້ໄຂບັນຫາສາມາດສົ່ງຄໍາຄິດເຫັນຂອງທ່ານໄດ້ທີ່ຕູ້ຮັບຄໍາເຫັນຈາກສັງຄົມຈຸດສະຖານທີ່ຕັ້ງ.

ສາຍດ່ວນ Contact Center: 1199

About admin

Check Also

ດວງ 3 ວັນເກີດ ມີເກນໝົດໜີ້ສິນ ມີກິນມີໃຊ້ ຮັບໂຊກຕະຫຼອດທັງປີ

+ ຄົນທີ່ເກີດວັນສຸກ ມີເກນໝົດໜີ້ສິນ ມີເກັບ ມີກິນ ມີໃຊ້ ຮັບໂຊກຕະຫຼອດທັງປີນີ້ ແຕ່ເດືອນນີ້ເປັນຕົ້ນໄປ ຈະມີຂ່າວດີເຂົ້າມາ ການງານລາບລື່ນ ຈະເລີນກ້າວໜ້າ ເຈົ້ານາຍໃຫ້ການສະໜັບສະໜູນ ຊ່ວຍເຫຼືອ ໝູ່ຄູ່ຄົນຮ່ວມວຽກ ຊ່ອຍເຫຼືອກັນ …

Leave a Reply

Your email address will not be published. Required fields are marked *